25= {[ الحياء ]} بقلم / رأفت يوسف

رافت يوسف

 ،،،،،،،،،،،،،  رمضانيات رأفت يوسف   ،،،،،،،،،

في حب رسول الله ،،،،،،، سلسله خلق وسلوك

 ...........................25= {[ الحياء ]} ....................... 
يا شهر الصوم 

يانور ساطع عبير دايم في وسط شهووور
صلاه وصيام ذكاه وقيام 

وبنصلي علي أحلي نبي ورسول
وباذكر ربي وادعيله 

قيامي ليه مابين دايما فطاار وسحور
يقول ربك وينهانا 

ويمنعنا عن الممنوع عن المحظوور
حيائك للإيمان مطلب 

بتتمناه وتترجاه بكل سروووور
تودع مانهاك ربك 

ولشطانك تقيم حدك بتعمل سووور
عشان في الجنه بحيائك 

هاتتمكن تنول حبه وتسكن دور
حياء شطره إيمانك 

ووصفه ف الكتاب لينا كان مذكور
دخوله في كل شئ زانه 

وبيه دايما علي شطانك تكون منصور
حيائك هو عنوانك 

غيابه شين وشينه كان تملي فجور
حيائك جنه 

توصلها وتسكن 

ف السما السابعه في اعلي دور
تعالوا نعيش حياء دايم 

نقاسم بيه ايمان في صدوور
ماتيجوا نصلوا ع الهادي 

ونبني للحياء بنا طريق وقصور
كرم رمضان مغرقنا 

دعانا بصومنا لحيائنا وقلب طهوور
علي هدي الإله أمشي 

واكون دايماً علي نعمه تملي شكور
تعالوا نبني للإيمان 

طريق بحياء وللعيبه نعلي جسوور
سلام ربك علي روسنا قمر داير 

تملي معاه نروح وندور
حياء يسوي أنا مسلم أنا مؤمن 

أنا م الله هاعيش ماجور

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،  بقلمي / رأفت يوسف

26=[{ الحسد }] ،، بقلم / رأفت يوسف

 ،،،،،،،،،رمضانيات رافت يوسف ،،،،،،،،،
في حب رسول الله ،،،،،سلسله خلق وسلوك،، ........................26=[{ الحسد }] ..............................
رمضان ياشهر كله خير بركه ورزقك فيه وفير 
وإله ينزل رحمته علي عباده الطيبين
ورسول يفيض لأمته بالحب والقلب الكبير 
صلوا علي  طه الحبيب
أرجع في شهر الصوم وتوب 
أحسن سلوكك في الصيام خليك تمام 
وأغسل باخلاقك ذنوب 
قلبك يكون دايماً نظيف في الدنيا ضيف
 ربك دا رب روح قلوب ، 
مهما تعيش هاتعيش غريب ،
أسعي لخير خليك لكل الناس ودود 
أتمني خير دايماً لاخوك لكل مسلم في الوجود
وأتمني ليه الخير يدوم ، 
كرهك و حسدك ليه عشان ربك عطاه  . ؟؟
ملوش لزوم الرزق في الدنيا نصيب
حسدك لنعمه عشان تزول 
ولاتضره في عزوته تتمني ليها إنك تنول 
الحقد بيولد حسد بتضر بيه المسلمين 
خليك نظيف قلبك عفيف ، 
علشان تكون من أمه ناسها مسلمين
خليك لاخوك دايماً قريب  ،،،،،،،،،،،،،،،،،، 
الشر مرهون بالحسد 
نهاك إلهك في الكتاب وصفه اترصد 
قول وأستعيذ م النفاثات في العقد 
ومن شر حاسد اذ حسد ....... 
م الحقد حسدك اتولد بالشر للمسلم يصيب
أصل الحسد دا فيه نوعين  ...............
نوع غبطه في نفس أخوك 
خير باليقين يتمني ليك أن النعم عليك تدوم 
وفي بحر نعمك هو كمان عاوز يعوم 
زي ماقال سيدنا النبي
ويكون دا خير ربك لدعوه خير مجيب
وحسدك بنعمه عشان تزول 
لمشرك يضر بنعمته المسلمين 
محمود وحسدك ليه حلال
وانا معاك هاقول أمين 
صلوا عليه رمضان كريم 
وم الحسد لأمته في النفس دايماً محروسين
ربك بياخد م العباد وهو كمان اللي يجيب،،،،،،،،،،،،،،،،،،،،،،،،،،،،،،،،،،،،،،،،،،،،   بقلمي / رأفت يوسف

27= [{ ،الكبرياء والتواضع}] :: بقلم / رأفت يوسف

رافت يوسف

 ،،،رمضانيات رافت يوسف ،،،،،،

في حب رسول الله ،،،،،،،،، سلسله خلق وسلوك ،،،،،،

 ..................27= [{ ،الكبرياء والتواضع}] ................. 

رمضان ياشهر الطيبين فاضل يومين ونودعك 

ونستني فيك شهور طويله مشتاقين لرحمتك 

يتسلسلوا فيك الابالسه الشياطين 

علي صخرتك نتمني في شهورنا اللي قبلك عودتك
نغسل ذنوب العام علي باب الصيام 

نصلي فيك ونصوموا يومنا بالنهار 

وفي ليل وجودك نقوموا لصلاه القيام

أيام نعيشها بالمحبه تفوت اوام 

غاسلين نفوسنا ع الدوام نترجي ود حضرتك  

النفس فيك لو مؤمنه ، بتعيش نقيه وفي انكسار 

علي باب اله الكون الدعوه مع عطشك تجلجل ع الفطار

وبالتواضع للإله تحس إنك حد تاني

تحس اخوك ،تحس ناسك ليل نهار
 

والخير بيسبق خطوتك  

الكبر داء ، مرض وأصبح بين عباد الله وباء

تظلم ضعيف بقوتك ، وتجور علي حق الغلابه بعزوتك

تعيش بكبرك بين عباد الله في حاله افتخار ،

تنسي الموده والرحم ...........

 تنسي أنك انت عبد من تراب وللتراب هاتكون إليه رجعتك

ربك حبيبك حذرك م الكبر دايماً في الكتاب

وجهه نداء،الكبرياء لله رداء  

مفيش منازع للإله اللي ينازع ربنا في صفاته ليه دايماً عذاب

أفتح لنفسك بالتواضع والرضي للرب باب

اعمل لجنه ربنا قبل ما تترك دنيتك

أصل التواضع شئ جميل ............

وصي رسولك في الحديث عرفنا وصفه 

اللي هايتواضع لربه يفضل تملي في الحياه صاينه ورافعه

واللي يكون في قلبه ذره من كبر في حياة ،

النار تملي مسكنه ومنتهاه 

عيش بالتواضع وازرع في قلب الناس تملي محبتك

رمضان كريم وصلوا عليه ووحدوه،

دايماً تملي بالتواضع والمحبه توصلوه 

يرضي عليكم وتراضووه

والكبر فيكم لو رداء علشان محبه ربنا يلا اخلعوه

الكبر داء خلي تواضعك في الحياه لكبر نفسك ليه دواء 

وقول يارب عن كبر نفسي انتهيت

كل عام وانتم بخير 

ولكل مسلم في الحياه ...............

أبني لتواضعك وأنت عايش في الجنه، روضه

أبقي أفتكر أن الحياه 

ماتسوي ، عند الله جناح بعوضه

يبقي أنت أيه وسط خلايق ربنا

ااقل من جناح بعوضه ،، أذكر إلهك ع الدوام

نور بذكره سكتك،،،،،،،،،،،،،،،،،،،،،،،،،،،،،،،،،،،،  بقلمي/ رأفت يوسف،

رافت يوسف

 ،،،،،،،،،،،،،،رمضانيات رأفت يوسف،،،،،،،،،،،،،،،،،،

في حب رسول الله ،،،،،سلسله خلق وسلوك،،
.............................. . 28=[{ التكافل الاجتماعي }] .........................................
رمضان كريم قرب يودع بيت عباده المسلمين ايام سماحه الروح تعيش دايما في راحه
وتكون لرب الكون سكون ومن عباده الشاكرين ،اعرفه الهك بالمحبه
والعمل واستني رحمه بالامل
تغسل همومك ،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ارفع شعار الدين تعاون وانصهار سبح الهك بالنهار وفي كل وقت اذكره ،وادعيه بدعوه
وانت في وقت الفطار ، احمد تملي واشكره ،وكون معين ضد الزمن مع اخ مسلمه انصره
علي فقر لازمه بانتظار مستني
ومحتاج لعونك،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الدين تكافل في الحياه ،مسلم صحيح يبقي الغني زي الفقير ،يحس بيه ويكون معااه
الكل واحد تستوي كل العباد ،عند الاله بالتقوي كومك في ازدياد 

صدقه تكون لاخ مسلم ليك نجاه ،،ادي الزكاه طهر بدن
ونقي صومك ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لو كنا فعلا مسلمين فاكرين الاهنا ومؤمنين ،مايبتش واحد وسطنا ويكون جعان ،،لوكنا
بالاسلام رضينا وامنا برساله نبينا مايبتش مسلم وسطنا وهو مدان حقه عليك اخ وبالعون

بيناديك مد ايديك مفروص عليك ويعيشتملي في لزومك
يضرب رسولنا ليك مثل في حديث شريف يخص بيه المؤمنين قبل ماتذهب للاله وتتسال  

بلغ صحابك قولهم ،انهم بالتعاطف والتراحم وودهم زي الجسد،لو عضو فيه
قام اشتكي،يسهر عليه باقي الجسد بالحمي دايما حواليه اصل
وجودهم من وجودك
وهي دي امه حبيبك النبي الكل واحد في الحياه بروح تعاون وانتماء بالحب لو اخ بعد
او حتي تاه عليه دايما لقاه،صلوا علي سيدنا النبي ووحدوا
الرب الاله الدين نجاه قبل الوداع
وقبل يومك ،،،،،،،،،،،،،،،،،،،،،،،،،،،،،،،،،،،،،،،،،،
رمضان كريم وبالتكافل للجميع دايما ياساده مامورين الكل واحد في الحياه ربك يعين
خليك معاه ربك مجيب ربك سميع دايما بنكفل بعضنا لو كل واحد عاش اناني راح يضيع
ربك تملي عشان كفيل هايكون
في عونك ،،،،،،،،،،،،،،،،،،،،،،،،،،،،،،،،،،،،،،،،،،،،،
شهر الصيام محتاج نفكر بانتظام لو فيه تكافل في الحياه  

لو كان غني حس بفقير،،لو كل مسلم لمريض كان عينه ليه وكان بصير،

لوصنا بنا ارمله وكفلنا في الدنيا يتيم يفضل تملي اسلام محمد دين عظيم سجل بخيرك للنعيم للجنه
بخيرك وجودك ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،  بقلمي/ رأفت يوسف

الختام= {[ الختام اخلاق علي مر الدوام ]} بقلم الشاعر / رأفت يوسف

رافت يوسف

،،،،،،،،،،،،،،،،،رمضانيات رأفت يوسف،،،،،،،،،،،

في حب رسول الله،،،،،،سلسله خلق وسلوك،،
 ..........الختام= {[ الختام اخلاق علي مر الدوام ]} ...................... 

....................................
ختام ختام ياشهر خي ياشهر نور يارحمه في ايديك للانام ،،بنودعك بقلوبنا ياشهر الصيام
يافرحه لينا في كل عام نغسل معاك كل الاثام،واخدنا
لقدومك حنين،،،،،،،،،،،،،،،،،،،،،،،،،،،،،،،،،،،،،،،،،
مبروك عليك يالي انت صومت ورضيت الهك في الصيام ،

فرح وسعاده ورحمه من فيضه عليك،في الجنه حافظلك الهك ليك مقام ،

 اخلاق وطبقت تمام عايش بنور في
وسط ناسنا المسلمين،،،،،،،،،،،،،،،،،،،،،،،،،،،،،،،،،،،،،
دا سلوك نبيل مشيت عليه لسنه حبيبك بانتظام تترجي بيه ود الاله

ورضي حبيبك النبي الي الهه اصطفاه وصفك رسولك في الحديث بوصف
عباده المؤمنين،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اطلع بفايده م الصيام وعيش نبيل خليك في نور في الاخره 

كل سلوك رضي هايعيش في ليل ،،،

الجنه باب مفتوح عشان اخلاق قضيتها لوجه ربك

ليه سبيل عيش في الحياه طيب ووسط الطيبين
اخر الصيام عتق لرقاب المسلمين ،

من كل نار جايزه وجاد بيها الاله لكل واحد من عباده
المسلمين ،دايما الهك ليك يامؤمن في افتكار ،

حافظ علي المكسب وداوم ليل نهار،جمل
سلوكك بالمحبه وابعد تملي ع المشين
اطلع من الصوم باستفاده ،

اخلاق سلوك محتاجه منك للاجاده ،خليها دايما في الحياه
فرض وعاده اصل السلوك واخلاق تعيشها يجملوك زي العباده ،

احسن وكون دايما لدينك كون وصون علشان تكون من عباده المحسنين
وداع وداع في حب الاله وفي حب سيدك النبي  

بالحب فارد لجميع المسلمين مليون شراع،،

اديت رسالتي لكل واحد منكم ،اخوه في دين وانا برضه واحد منكم،

بانصح بشعري ولرضه محتاج نصحكم وبرب واحد
كلنا موحدين،،،،،،،،،،،،،،،،،،،،،،،،،،،،،،،،،،،،،،،
حبيتكوا في الله والرسول ،

بالفعل ليكم قلبي فايض بالمحبه مش بس قول

ادعولي دايما بالهدايه وبكل حرف نويت ليكم رساله  

كل عام وانتم بخير وعيد سعيد بالخيرعلينا 

ربكم دايما يزيد ودعنا شهرالصوم خلاص مبروك لكل الصائمين

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،بقلمي / رأفت يوسف